Turneu ndërkombëtar Adem Jashari 2022

TURNEU NDËRKOMBËTAR 🇦🇱“ADEM JASHARI” 🇽🇰 2022

Sot në Pallatin e Rinisë dhe të Sporteve në Prishtinë është mbajtur turneu ndërkombëtar “Adem Jashari” ku morën pjesë mbi 100 garues.
Ky turne është organizuar nga Federata e xhudos e Kosovës në bashkëpunim me klubin e xhudos “Polici” nga Prishtina.
Turneu është zhvilluar për këto grupmosha: Kadet dhe Senior.
Nga Kosova pjesmarrëse kanë qenë këto klube: KXh “Ippon”, KXh “Trepça”, KXh”Llapi”, KXh “Polici”, KXh “Sankaku”, KXh “Kastrioti”.
Përpos këtyre klubeve morën pjesë shtetet si: Mali i zi, Sllovakia, Maqedonia, Bullgaria, Greqia.
Drejtësinë në këtë garë e ndanë këta gjyqtarë: Shahin Behrami, Fatmir Salihaj dhe Linda Cena.
Garuesi më i mirë për meshkuj u shpall Dion Sharapolli nga KXh “Ippon” Pejë, garuesja më e mirë për femra u shpall Vedrana Prascevic nga Mali i zi.
Klubi më i suksesshëm me 10 medalje të arta, asnjë të argjendtë dhe 2 të bronzta u shpall KXh “Ippon” Pejë, me 5 medalje të arta, 5 të argjendta dhe 3 të bronzta në vendin e dytë u radhit KXh “Polici” Prishtinë, me 1 medalje të artë, 1 të argjendtë, dhe 1 të bronztë në vendin e tretë radhitet KXh “Trepca” Mitrovicë dhe me 1 të artë, 1 të argjendtë, 1 të bronztë në vendin e tretë radhitet KXh “Sankaku” Fushë Kosovë.
Nga shtetet e jashtme, shteti më i suksesshëm u shpall Bullgaria me 3 medalje të arta, 5 të argjendta dhe 3 të bronzta.