Turneu ndërkombëtar “Peja Open” 2022

TURNEU NDËRKOMBËTAR “PEJA OPEN” 2022

Sot në palestrën e sporteve “Karagaçi” në Pejë është mbajtur turneu ndërkombëtar i xhudos “Peja Open”, turne që u organizua për herë të parë.
Në këtë turne morën pjesë mbi 100 garues nga 5 shtete e ato ishin: Turqia, Shqipëria, Mali i zi, Maqedonia dhe Kosova.

Ky turne është organizuar nga Federata e xhudos e Kosovës në bashkëpunim me klubin e xhudos “Kano” nga Peja.

Në këtë turne ishte prezent selektori, trajneri më i mirë në botë Driton Kuka i cili e hapi garën dhe e përcolli nga afër.

Çdo gjë kaloj mirë dhe përfundoi me sukses në këtë garë.

Turneu është zhvilluar për këto grupmosha: Kadet dhe Senior.

Pjesmarrës kanë qenë klubet e Kosovës: KXh “Ippon”, KXh “Trepça”, KXh”Llapi”, KXh “Polici”, KXh “Sankaku”, KXh “Studenti”, KXh “Kastrioti” si dhe ekipet nga Turqia, Shqipëria, Mali i zi dhe Maqedonia.

Garuesi më i mirë i turneut ndërkombëtar “Peja Open” 2022 u shpall Dardan Cena nga KXh “Ippon” të cilit iu nda kupa, kurse në shenjë nderi e respekti iu nda kupa edhe ekipit nga Shqipëria.

Drejtësinë në këtë garë e ndanë këta gjyqtarë: Fatmir Salihaj dhe Linda Cena. Klubi më i suksesshëm për meshkuj dhe femra me 11 medalje të arta, 4 të argjendta dhe asnjë të bronztë ishte KXh “Ippon” Pejë, me 3 medalje të arta, asnjë të argjendtë dhe asnjë të bronztë në vendin e dytë u radhit Turqia, me 2 medalje të arta, 5 të argjendta, dhe 2 të bronzta në vendin e tretë radhitet Shqipëria dhe me 2 të arta, 3 të argjendta dhe 2 të bronzta në vendin e tretë radhitet Maqedonia.