Sot në Grand Slam Paris Distria Krasniqi (-52kg) është stolisur me medalje të artë, me 5 ndeshje të fituara!
Në ndeshjen e parë mposhti me Wazaari garuesen nga Algjeria, Faiza Aissahine.
Distria në ndeshjen e dytë mposhti me Ippon francezen Penelope Bonna.
Në çerekfinale mposhti me 3 denime për Ippon nënkampionen Botërore, japonezen Ai Shishime.
Krasniqi në gjysëmfinale mposhti poashtu me 3 denime për Ippon Kampionen Olimpike nga Londra 2012, brazilianen Sarah Menezes.
Distria në finale mposhti me Wazaari dhe Ippon garuesen italiane, Nënkampionen Olimpike Odette Giuffrida dhe u shpërblye me medalje të artë!
Nora Gjakova (-57kg) është stolisur me medalje të bronztë me 4 ndeshje të fituara dhe 1 të humbur, në ndeshjen e parë mposhti me Wazaari dhe Ippon garuesen nga Azerbajxhani Alexandra-Larisa Florian.
Në ndeshjen e dytë Nora mposhti me 3 denime për Ippon francezen Priscilla Gneto edhe pse ishte duke humbur me Wazaari.
Në çerekfinale humbi me Wazaari nga portugezja Telma Monteiro dhe u kualifikua të ndeshej në repasazh.
Në repasazh Nora mposhti me 3 denime për Ippon kanadezen Jessica Klimkait.
Për medalje të bronztë mposhti me Ippon francezen Sarah Leonie Cysique dhe u shpërblye me medalje të bronztë!
